logudorese di Nulvi
~ SOS CANDHALERIS IN SU ❤️ SEMPRE ~
Su populu aunidu in un'istante
benit a su sonu e sa campana,
chi dài Santu Filipu la sonàna
cun continu rintocu intonante,
in su mentres su fusu bogàna
dogni gremiu e, sa idda festante;
poi sighint fatu cun su tabernaculu
pro ammentu invocant su miraculu.
Pro la fagher sa prim'aparizione
in ue benint umpare afunados,
est in centru e paese s'istradone
chi si presentant bellos adornados,
totu incantados cun ammirazione
populu istranzos de fora arrivados;
su preideru prima e sa partenzia
beneighet a totu cun clemenzia.
Ogni partecipante intonàda
sinnu a Maria cun devozione,
su cabu Candhaleri eco dàda
su cumandu a ogni portadore
e totu paris faghent s'alzàda
suta sas istangas chena timore;
sa essida tand' est incominzende
e sa promissa de nou ripetende.
Maestosos e tantu imponentes
cun sas bandierinas a su entu,
faghent sa sosta in cunventu
in segus sos priores presentes,
a caddu sas bandelas ant tentu
e fatu fatu puru sos credentes;
in su patiu benint de nou calados
ue benint torra ben'ammirados.
A dapoi ch'ant fatu sa frimmada
permitende a totu e si pasare,
prontos a podere afrontare
sa pius difizile e dura calada,
ch'ogni Nuivesu solet ciamare
de sos Candhaleris sa falada;
sa essida riprendet che isfida
proende sa mezus resessida.
In s'istradone isfilant cun bantu
finas'a via De Litala sa carrera,
cue girare los devent de fiancu
colcados sempre e cun manera,
cun sa cara defronte a ispantu
verso cheja manna verdadera;
sempre isfilierinados e presentes
sos tres obrieris e sos credentes.
E bessides a fora e s'istradone
de nou ti ponent subra e palas,
cun sas funes postas in tensione
cando l'alzas a chelu e lu calas
cun tanta istima e pura passione
sa zente assistit dai ambas alas;
tzochende sas manos cun decoro
a sos portadores cun anim' e coro.
In s'ammassu sa sosta segunda
sos zigantes frimmant a pasare,
sa idda festant'est tota giocunda
ogn'annu su votu de lu rinnovare,
cun devozione e fede profunda
chi potat sempre mezus andare;
e poi girant a cheja a los intrare
pro poder s'Assunta intronitzare.
A Maria faghent de ghirlanda
su mentres chi est drommida,
ti prego a tota sa idda manda
salude e bona sorte tota vida,
Virgine a niunu pone a banda
mah! Faghe chi sa zente unida;
vivant a chent'annos in terra
liberos chentza odiu ne gherra.
(Fine)
Traduzione italiana
I CANDELIERI SEMPRE NEL CUORE
Il popolo, riunito in un istante,
viene al suono della campana
che da San Filippo suonano
con un continuo rintocco intonato;
intanto ogni gremio tira fuori il suo fuso
e il paese è in festa;
poi seguono con il tabernacolo
e in memoria invocano il miracolo.
Per fare la prima apparizione,
dove arrivano insieme, legati alle funi,
è al centro del paese, sullo stradone,
che si presentano belli e adornati;
tutti incantati d'ammirazione,
paesani e forestieri venuti da fuori;
il prete, prima della partenza,
benedice tutti con clemenza.
Ogni partecipante intona
l'inno a Maria con devozione;
il capo candeliere, ecco, dà
il comando a ogni portatore
e tutti insieme fanno l'alzata
sotto le stanghe, senza timore;
l'uscita allora sta cominciando
e la promessa di nuovo si ripete.
Maestosi e tanto imponenti,
con le bandierine al vento,
fanno la sosta al convento;
dietro, i priori presenti,
a cavallo hanno retto le bandiere,
e subito dietro anche i fedeli;
nel patio vengono di nuovo calati,
dove tornano a essere ben ammirati.
Dopo che hanno fatto la fermata,
permettendo a tutti di riposare,
pronti a poter affrontare
la più difficile e dura discesa,
che ogni nulvese suole chiamare
«sa falada» dei candelieri,
l'uscita riprende come una sfida,
provando la migliore riuscita.
Sullo stradone sfilano con vanto
fino a via De Litala, la carrera;
lì devono girarli di fianco,
sempre coricati e con maniera,
con il volto rivolto, a meraviglia,
verso la chiesa grande, la vera;
sempre in fila e presenti
i tre obrieri e i fedeli.
E usciti fuori dallo stradone
di nuovo te lo mettono sopra le spalle,
con le funi messe in tensione,
quando lo alzi al cielo e lo cali;
con tanta stima e pura passione
la gente assiste da entrambe le ali,
battendo le mani con decoro
ai portatori, con anima e cuore.
All'Ammasso, la seconda sosta:
i giganti si fermano a riposare;
il paese in festa è tutto giocondo
nel rinnovare ogni anno il voto,
con devozione e fede profonda,
perché possa andare sempre meglio;
e poi girano verso la chiesa per farli entrare
e poter intronizzare l'Assunta.
A Maria fanno da ghirlanda
mentre lei è addormentata;
ti prego, a tutto il paese manda
salute e buona sorte per tutta la vita;
Vergine, non lasciare nessuno da parte,
anzi, fa' che la gente unita
viva cent'anni sulla terra,
libera, senza odio né guerra.
(Fine)